,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
第一次搭廉航去歐洲，要自己行樓梯上飛機
去到機場後要搭火車去酒店，買完車票之後落到月台，唔肯定架車係咪去中央車站，冇上到車，之後有其他人話我哋知應該係下一班車，點知30分鐘先有車，去到個大站之後見到好多人落車，但我哋見到火車顯示下一個站就是中央車站，所以冇落車，幸好隔離又有人話我哋知原來去中央車站要去對面月台轉車，匆匆忙忙去對面月台轉車，結果差不多兩個小時才去到酒店。
這間酒店比我哋想像中好，好寬敞好乾淨，又近車站同地鐵。
首先同阿仔去咗漫畫店睇，沿途肚餓食咗一個包同一個泡芙，再食Gelato，有Passion food Coconut同開心果， Coconut真係有椰𢇁嘅感覺，可惜冇時間再食。
晚餐去了附近一間意大利餐廳，去到先發現原來是中國人開，可以用普通話落單，雖然食物不太差，價錢算平，但總希望是食到當地人做的菜式。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚♪•♫˚♪•♫˚♪• ♫˚♪• ♫˚♪• ♫˚♪•♫˚♪•
